కార్ల్స్‌బాడ్ ఫ్లవర్ ఫీల్డ్

50 ఎకరాల ప్రదేశంలో ఉన్న సుందరమైన పూలతోట 

పూల తోటల ప్రవేశం 

కార్లు నిలిపే ప్రదేశంలో ఉన్న పూల చెట్లు 

అమెరికా లోని లాస్ ఏంజలెస్ నగరంలో అనేక పర్యాటక ఆకర్షణలు ఉన్న విషయం అందరికి తెలిసిందే. అక్కడ హాలివుడ్, యూనివర్సల్ స్టూడియో,  డిస్నీలాండ్ వంటివి అత్యంత పర్యాటక ఆకర్షణ కలిగిన ప్రదేశా లన్నవి  చాల మందికి తెలుసు. అయినా అక్కడ ఆకర్షణ కలిగిన పూలతోటలు కూడా  ఉన్నాయని చాల మందికి తెలియదు. లాస్ ఏంజలెస్ నుండి శాన్ డియాగో పోయే మార్గంలో కార్ల్ బాడ్ వద్ద జాతీయరహదరికి సమీపంలో చాల అందమైన పూలతోటలు ఉన్నాయి. ఈ పూలతోటలు లాస్ ఏంజలెస్ కు 87.4 మైళ్ళ దూరంలోనూ  37.6 మైళ్ళ దూరంలోనూ ఉన్నాయి. లాస్ ఏంజలె నుండి 1.30 నిముషాలకు ఇకాడికి చేరుకోవచ్చు. శాన్ డియాగో నుండి 40 నిముషాలలో చేరుకోవచ్చు. కార్ల్స్‌బాడ్ బీచ్, చిల్డ్రెన్స్ మ్యూజియమ్, థీమ్ పార్క్ వంటి ఆకర్షణలు ఉన్నా ఇక్కడి ఫ్లవర్ ఫీల్డ్ మాత్రం పర్యాటకుల ప్రత్యేక ఆకర్షణ అని చెప్పాలి. మార్చ్ 1వ తారీఖు నుండి మే 13 వరకూ పర్యాటకుల సందర్శన కొరకు తెరచి ఉంచే ఈ పూలతోటలు పర్యాటకులను అధికంగా ఆకర్షిస్తాయి.

తోటలో ప్రవేసించే ముందు ఉన్న చిన్న తోటలు 

కార్లను పార్కు చేసే ప్రదేశం 

శాన్ డియాగో చూడాలన్న ప్రయత్నంతో బయలుదేరే సమయంలో ఈ  పూలతోటల విషయం  మాకు తెలిసింది. ఇకనేం కోసం ముందుగా  బయలుదేరి పూలతోటలు ఉన్న ప్రదేశానికి చేరుకున్నాం. కార్లు పార్కు చేసే ప్రదేశంలోనే చిన్న పూలతోటలు ఉన్నాయి. అక్కడ పూలతోటలు చూడడానికి టిక్కెట్లు కొనుక్కుని తోటలోనికి ప్రవేసించే ముందుగానే కొన్ని ఆకర్షణీయమైన పూలచెట్లు అందగా పెంచబడ్డాయి. వాటి  అందం మాటలలో చెప్పాలంటే కుదరదు.  అంత ఆకర్షణీయంగా ఉన్నాయి. మెల్లగా వాటిని అన్నింటిని చూసి ఛాయాచిత్రాలను తీసుకుని లోనికి వెళ్ళాం.  ఇక్కడ ఇంకో ప్రత్యేకత  కూడా ఉన్నది. ఈ  తోటలు సంత్సర కాలంలో 10 వారాలపాటు మాత్రమే సందర్సకుల కొరకు తెరచి ఉంచబడతాయి.  కనుక ఆసమయంలో మాత్రమే వీటిని సందంర్సించే అవకశం ఉంటుంది.  లోపలకు ప్రవేశించే దారిలో ఒక ప్రదర్సన శాల కూడా ఉంది. అక్కడ సందర్సకులు  తమకు కావలసిన పులమోక్కలను పులతొట్లను మరికొన్ని  పులతోటలకు కావలసిన పరికరాలను కూడా కొనవచ్చు. దానిని దాటి లోనికి ప్రవేసించే సమయంలో పిల్లలకు ఉత్సాహ పరిచే కొన్ని ఆటలు ఉన్నాయని చెప్పి కొన్ని పేపర్లు ఇచ్చారు. వాటిని తీసుకుని పిల్లలు తోట అంత తిరిగి వారు సూచించిన ప్రదేశాలలో స్టాంపింగ్ చేసుకున్నారు. తరువాత ఆ పేపర్లను చూపి కొంత తగ్గింపు ధరలో పిల్లలకు కొన్ని వసువులను కొనే అవకాశం ఇచ్చారు. పిల్లలు అవి చూపి తమకు కావలసినవి కొనుక్కుని ఆనందించారు. ఇక లోపలకు వెళ్ళిన తరువాత 50 ఎకరాల పుల తోటలో పలు వర్ణాలలో విస్తారంగా కనువిందు చేస్తూ ప్రత్యక్షమైనయి. పూలతోటల మధ్యకు వెళ్ళడానికి  అక్కడక్కడ దారులు కూడా ఉన్నాయి. అక్కడ వరకు వెళ్లి ఛాయాచిత్రాలను తీసుకోవచ్చు . అందరు అలా  లోనికి వెళ్లి  

ఛాయాచిత్రాలు తీసుకుని ఆనందిస్తున్నారు.  అన్ని పూలచెట్లు ఒక్కచోట చూడడం మాకు చాల సంభ్రమం కలిగించింది. అప్పటికే చెట్లన్ని చక్కగా పుష్పించి ఉండడం అందుకు ఒక కారణం. 

పర్యాటకులు చూడడానికి ఏర్పాటు చేసిన ట్రక్కులు

పూల బోకేలను తయారుచేస్తున్న సందర్శకుడు 

సమీపం నుండి రాన్యు నిక్యులాస్ పూలు 

ఈ తోటలు చూడడానికి పాతకాలపు నమూనలలో ట్రక్కులు కూడా ఉన్నాయి. వారు కొంత రుసుము తీసుకుని ఈ పులతోటలను పూర్తిగా చూపిస్తారు.  పర్యాటకులు అ ట్రక్కు లలో ఎక్కి తోటలు చూస్తున్నారు. తోటలు చూసే సమయంలో పర్యాటకుల సౌకర్యార్ధం మొబైల్ మరుగుదొడ్లు కూడా ఉన్నాయి. పూల తోటల మద్య ఆసక్తి ఉన్న వారు పూలను కత్తిరించి బోకేలను తాయారు చేస్తున్నారు. అలా తాయారు చేసిన వాటిని యాజమాన్యం వారికీ అందిస్తారు. ఆసక్తి ఉన్న పర్యాటకులు ఈ  బొకేలు తాయారు చేయవచ్చు .  పూలతోటల మద్య చిన్న చిన్న షాపులు కూడా ఉన్నాయి. అక్కడ కొన్ని చిరు తిండ్లు కూడా లభిస్తాయి.

అమెరికన్ జెందకు ఉపయోగించిన వైట్యు నియా  పూలు 

చరిత్రాత్మకమైన సెట్టియా మొక్కలు 

అందమైన గ్రాడియోలస్ పూలు 

 అతోటలు చుట్టు ఉన్న నివాసాలు అ ప్రకృతి దృశ్యాల అందం మనసారా తిలకించి అల తిరుగుతూ అక్కడ ఉన్న ఒక గ్రీన్ హుస్ కూడా చూసాం. అక్కడ ఒకే జాతి చెట్లు కొన్ని పెంచబడుతున్నాయి. అవి కూడా చాల బాగున్నాయి. 1920లో గ్రోవర్ లూధర్ జార్జ్ చేత ఈ  చెట్లు మొదటగా నాటబడి తరువాత ఇలా తోటలుగా అభివృద్ది  చేయబడ్డాయి. ప్రస్తుత ఈ పూల తోటలు 85 సంవత్సరాలు పూల ఉత్పత్తి రంగంలో జరిగిన కృషిఫలితం. ఈ తోటలకు పైభాగంలో అమెరికన్ జండాను పుల మొక్కలతో పెంచడం ఈ తోటలకు ప్రత్యేక  ఆకర్షణ. ఈ జండాకు ప్రత్యేక వైట్యు నియా  మొక్కలను వాడారు.  ప్రధాన తోటలకు రాన్యునిక్యులాస్ పూ ల ముక్కలను నాటారు.  ఇక్కడ ఉన్న తోటలలో గ్రడియోలస్ పులు కూడా ఉన్నాయి. వీటిని పూల బోకేలకు కూడా ఉపయోగిస్తారు. 

ఇక్కడ ఈ సమయంలో పలు ఆకర్షణ కలిగిన కార్యక్రమాలను కూడా ఏర్పాటు చేయడం ఒక ప్రత్యేకత. విద్యార్ధులకు కొన్ని ప్రత్యేక కార్యక్రమాల ద్వారా పుల తోటల పెంపకం పులతోతలను గురించిన వివరణ వంటి కార్యక్రమాలు ఉంటాయి. స్కూల్స్ లో కూడా ఇక్కడి నిర్వాహకులు విద్యార్ధులకు ఈ పూల తోటలను గురిచిన వివరణాత్మక తరగతులు జరిపే  కార్యక్రమాలు ఏర్పాటు చేయబడ్డాయి. చివరగా స్వీట్ బీన్ మేజ్ అనే చిన్న తోట కూడా ఉన్నది. అక్కడ స్వీట్ బిన్ చెట్లతో ఫజిల్ ఆకారంలో చెట్లు పెంచబడ్డాయి. అక్కడ ఫజిలో ప్రవేశించి నడుస్తూ దారి కనుక్కుంటూ వెలుపలికి రావడం అత్యంత ఆసక్తికరమైన ఒక క్రీడ. అక్కడ లోనికి ప్రవేసించిన పెద్దలు కూడా బాల్యంలోకి వెళ్లి అనందించడం చూడవచ్చు. ఇలా తోటలు చూసి ముందు ఉన్న విక్రయశాలలో ఉన్న అకర్షణీయమైన  మొక్కలను ఇతరాలను కూడా చూసి ఇలాంటి పులతోతలను చూడాలన్న మా చిరకాల వాంఛ తీరినందుకు మనసు నిండా అనందం నింపుకుని వేనుతిరిగాం .